Lectores e lectoras da Biblioteca Pasando Páxina:
Como sabedes, dende o 17 ao 21 de abril conmemoramos a Semana do Libro no IES de Carral.
Durante esa próxima semana poderedes participar en dous concursos:
- Concurso fotográfico Book-Face, no que debedes seleccionar unha portada dun libro (da Biblioteca ou un libro que teñades na casa) e idear unha imaxe creativa integrando algunha parte do corpo ou da vosa indumentaria coa portada do libro. Algúns profesores e profesoras xa se estiveron divertindo, como podedes ver nas imaxes do cartel adxunto!
- Concurso de relato breve: BASES:
- O tema dos relatos será libre.
- Terán un minimo dunha páxina e un máximo de 5, escritas en letra Arial 12 ou similar.
- Os relatos deberán ser entregados co nome e apelidos do autor /autor.
- O xurado profesional outorgará 2 premios (1° ciclo e 2° ciclo da ESO).
- Os relatos recibidos formarán parte dun libro editado e publicado pola Biblioteca Pasando Páxina.
Debedes enviar as vosas propostas a este correo: biblioteca@iescarral.com
O prazo de recepción das imaxes Book-Face finalizará o 21 de abril, e o dos relatos finalizará o día 23 de abril do 2023 (Día do Libro).
Animádevos!
#lermola
