Día Internacional da Eliminación da Violencia de Xénero contra as mulleres e as nenas.
A violencia de xénero é unha inxustiza manifesta que empobrece a nosa sociedade e impide o avance cara ao benestar común que todas e todos desexamos.
É un atentado contra os dereitos humanos e a dignidade das persoas. É un problema de mulleres e de homes,da infancia,da xuventude,das persoas maiores,de calquera clase social,cultura ,ideoloxía ou relixión....É un problema global e mundial.
A violencia de xénero proxéctase en horizontal (cara ás mulleres e aos seus entornos familiares) e en vertical(cara aos seus descendentes),podendo reproducirse en futuras xeracións xa que as feridas causadas estarán presentes ao longo das súas vidas.
Só a través dunha responsabilidade compartida entre o conxunto da cidadanía e os poderes públicos poderemos acabar con esta terrible desigualdade.
O Concello de Carral e a comunidade educativa subscriben este manifesto contra todas as violencias, por todas as mulleres, por toda a sociedade, co convencemento de que non existen barreiras ideolóxicas nin políticas para poñer freo a unha loita que é de todas as persoas.
Por todo isto, hoxe, Día Internacional da Violencia de Xénero, e todos os días o Concello de Carral e a comunidade educativa asumen o seu compromiso e amosan o seu rexeitamento a quen exerce a violencia machista e avoga por fomentar modelos de convivencia fundamentados no respecto,no bo trato e na igualdade entre mulleres e homes.
NON QUEREMOS NIN GOLPES QUE DOIAN NIN PALABRAS QUE FIRAN.
NON DEIXES QUE PASE O TEMPO. FAINO POR TI.